اسلام آباد  (اپنے سٹاف رپورٹرسے)مختلف وارداتوں میں شہری نقدی ، زیورات ، دو کاروں ، 14موٹر سائیکلوں سمیت قیمتی سامان سے محروم ہو گئے تھانہ کھنہ کے علاقے میں ایک گھر کے تالے توڑ کر نقدی ، طلائی زیورات ، قیمتی کاغذات چوری ہوگئے تھانہ شہزاد ٹاؤن کے علاقے میں گھر کے کنڈے توڑ کر نقدی ، ایل سی ڈی ،جوسر چوری کر لئے گئے تھانہ سبزی منڈی کے علاقے میں دو مسلح افراد گن پوائنٹ پر شہری سے موٹر سائیکل ،نقدی ، موبائل فون چھین کر فرار ہوگئے تھانہ کورال کے علاقے میں تین مسلح افراد نے ایک شخص سے گن پوائنٹ پر موٹر سائیکل اور موبائل فون چھین لئے تھانہ شمس کالونی کے ایریا میں دو مسلح افراد نے ایک شخص پر تشدد کرکے موٹر سائیکل چھین لیا تھانہ سیکرٹریٹ کے علاقے میں تین مسلح افراد نے راہگیر فیملی سے پرس ، زیورات ، موبائل فون چھین لیئے تھانہ آئی نائن کے علاقے سے دو مسلح موٹر سائیکل سوار ایک شخص سے نقدی ، موبائل فون ، اے ٹی ایم کارڈ چھین لئے تھانہ ترنول کے مختلف علاقوں میں سٹریٹ کراٹم کی دو وارداتیں ہوئیں جن میں شہری نقدی، غیر ملکی کرنسی ، موبائل فون اور لیپ ٹاپ چھین لئے گئے تھانہ آبپارہ اورتھانہ آئی نائن کے علاقوں سے کاریں، تھانہ کراچی کمپنی کے علاقے سے دو ،تھانہ کوہسار کے علاقے سے دو ،تھانہ سیکرٹریٹ ،تھانہ مارگلہ ،تھانہ شہزاد ٹان ، تھانہ نون ، تھانہ سنبل ، تھانہ شالیمار ،تھانہ رمنا کے علاقوں سے ایک ایک موٹر سائیکل چوری ہوگئے ۔