میڈیا رپورٹس کے مطابق امریکی فوج کے ترجمان کرنل تھامس کولنز نےایک خبررساں ادارے کو بتایا ہے کہ جنرل میک کرسٹل نے ریٹائر ہونے کے ارادے سے آرمی کوآگاہ کردیا ہے، تاہم انہوں نے باضابطہ طور پر ریٹائرمنٹ سے متعلق دستاویزات جمع نہیں کرائیں۔ وہ اپنے فیصلے پرکب عمل درآمد کریں گے یہ کہنا قبل از وقت ہوگا۔ واضح رہے کہ میک کرسٹل کو امریکی صدر باراک اوباما نے گزشتہ ہفتے ایک جریدے کو انٹرویو میں سول انتظامیہ کے خلاف نازیبا ریمارکس دینے پر برطرف کردیا تھا۔