اطلاعات کے مطابق حادثہ اس وقت پیش آیا جب ایک تیزرفتار بس بریکس فیل ہونے کی وجہ سے حفاظتی جنگلے توڑتی ہوئی کھائی میں جا گری۔ حادثے میں مرنے اور زخمی ہونے والوں میں بچوں کی بڑی تعداد بھی شامل ہے۔ ریسکیو حکام کے مطابق زخمیوں کو قریبی ہسپتال منتقل کردیا گیا ہے۔ پولیس کا کہنا ہے کہ بس میں گنجائش سے زیادہ مسافروں کو سوارکیا گیا تھا۔ اس افسوسناک واقعہ سے دو روز قبل بھی اسی مقام پرایک حادثے کے نتیجے میں تیرہ مسافر ہلاک اور سینتیس زخمی ہو گئے تھے۔