مقامی ذرائع کے مطابق جنوبی وزیرستان کے علاقے کری کوٹ کے مقام پرآج صبح سویرے سے امریکی جاسوس طیاروں کی نچلی پروازیں جاری تھیں ، ساڑھے نوبجے کے قریب امریکی ڈرون طیارے نے عسکریت پسندوں کے ٹھکانوں پردومیزائل فائرکیے ، جس کے نتیجے میں دس شدت پسند ہلاک اورکئی زخمی ہوگئے ۔ ذرائع کے مطابق ہلاکتوں میں مزید اضافے کا بھی خدشہ ہے ۔ واقعہ کے بعد علاقے میں خوف وہراس پھیل گیا ہے ۔واضح رہے کہ قبائلی علاقوں میں گزشتہ پندرہ دنوں کے دوران ڈرون حملوں میں اضافہ ہواہے۔سی آئی چیف نے اپنے ایک بیان میں قبائلی علاقوں میں ڈرون حملوں کوجائزقراردیاتھا