کینٹربری میں جاری تین روزہ پریکٹس میچ کے افتتاحی روز پاکستانی ٹیم نے ٹاس جیت کر پہلے کھیلنے کا فیصلہ کیا، تو اوپنر عمر امین دو اور فواد عالم بیس رنز بنا کر پویلین واپس لوٹ گئے، سلمان بٹ بھی صرف چھبیس رنز بنا سکے۔ اسکے بعد شعیب ملک اور عمراکمل نے ذمہ داری کا مظاہرہ کیا اور چوتھی وکٹ کی شراکت میں انسٹھ رنز سکور کئے۔ شعیب ملک ستائیس رنز بنا کر آؤٹ ہوئے۔ عمر اکمل نے شاندار بیٹنگ کا مظاہرہ کرتے ہوئے سنچری سکور کی، اور ایک سو تریپن رنز بنا کر مارک لاسن کا شکار بنے۔ کینٹربری کی جانب سے سپنر مارک لاسن نے چار وکٹیں حاصل کیں۔ کھیل کے اختتام پر کینٹربری نے اپنی پہلی اننگز میں بغیر کسی نقصان کے دو رنز بنائے۔