لاہور (خبر نگار) ڈی سی او لاہو ر کیپٹن محمد عثمان نے کہا کہ انتظامیہ نے لاہور کے تمام رمضان بازاروں میں زبردست انتظامات کیے اور اشیاء ضروریہ کی وافر مقدار کی دن بھر فراہمی جاری رہی۔ وزیراعلی پنجاب محمد شہباز کی ہدایت پر لاہور کے تمام ٹائون ایڈمنسٹریٹر ز نے دن بھر رمضان بازاروں کی خود نگرانی کی۔ ڈی سی او لاہور نے اسلام پورہ اور وحدت کالونی رمضان بازاروں کا دورہ کیا۔ انہوں نے مختلف سٹالزدیکھے اور اشیاء کی قمیتوں اور معیار کا جائزہ لیا۔ انہوں نے بازار میں آئے ہوئے صارفین سے بات چیت بھی کی۔ دریںاثناء ڈی سی او لاہور نے فروٹ وسبزی منڈی کا دورہ کیا۔