جامعہ کراچی‘ ڈپلی کیٹ ایڈمٹ کارڈ7 اور9 جولائی کو حاصل کئے جاسکتے ہیں

کراچی (نیوزرپورٹر)جامعہ کراچی کے ناظم امتحانات کے اعلامیہ کے مطابق ایم اے سال اول و آخر(پرائیوٹ) سالانہ امتحانات2017 ء کا امتحانی شیڈول جاری کردیا گیاہے جس کے مطابق امتحانات10 جولائی2018 ء سے شروع ہوں گے۔ایم اے سال اول وآخر کے تمام امیدواروںکے ایڈمٹ کارڈ ان کے دیئے گئے پتوں پر ارسال کردیئے گئے ہیں۔ایسے طلبا وطالبات جنہیں06 جولائی2018 ء تک ایڈمٹ کارڈ موصول نہ ہوں، انہیں ہدایت کی جاتی ہے کہ وہ 07 اور09جولائی2018ء کو صبح 09:00 تا دوپہر 1:00 بجے تک ڈپلی کیٹ ایڈمٹ کارڈ اور امتحانی پروگرام شعبہ امتحانات ایکسٹرنل یونٹ واقع سلور جوبلی گیٹ کمرہ نمبر 01 سے حاصل کرلیں۔ ایڈمٹ کارڈ کے حصول کے لئے امتحانی فارم کی اوریجنل رسید،دوعدد پاسپورٹ سائز تصاویر،اصل رجسٹریشن کارڈ اوراصل قومی شناختی کارڈ بھی لازماً ساتھ لانا ہوگا۔