برازیلین صدر کے ہمراہ جی 20 اجلاس میں جانیوالی خاتون فوجی سے 39 کلو کوکین برآمد

میڈرڈ(انٹرنیشنل ڈیسک) برازیلین صدر جیئر بولسونارو کے ہمراہ جی 20 اجلاس میں شرکت کے لیے جاپان جانے والی فوجی سے 39 کلو گرام کوکین برآمد ہونے کے بعد اسے گرفتار کر لیا گیا۔برازیلین صدر جیئر بولسونارو کی ایڈوانس ٹیم میں شامل خاتون اہلکار کے سامان سے سپین کے ائیرپورٹ پر تلاشی لی گئی۔ سپین کی عدالت نے منشیات کی سمگلنگ کے الزام میں گرفتار ہونے والی ملزمہ کو حراست میں رکھنے کا حکم دیا ہے۔ صدر بولسونارو نے سوشل میڈیا پر اپنے ٹوئٹ میں وعدہ کیاجو عناصر منشیات کی سمگلنگ میں ملوث ہیں ان کے خلاف سخت اقدامات اٹھائے جائیں گے۔