سکھر(بیورورپورٹ)تھانہ سائیٹ ایریا کی حدود جتوئی پلاٹ نزد جونیجو فلور ملز کے قریب پلاٹ پر رہائشی میرانی و بھٹی برادری کی جھونپڑیوں اور گھروں میں شارٹ سرکٹ کے باعث اچانک آگ لگ گئی آگ نے دیکھتے ہی دیکھتے تمام اطراف کے گھروں کو بھی اپنی لپٹ میں لے لیا گھروں میں رہائش پذیر افراد نے گھروں سے نکل کر اپنی جان بچائی اطلاع ملتے ہی فائر ٹینڈر نے موقع پر پہنچ کر آگ کو مزید پھیلنے سے روک دیا ، تاہم آگ لگنے کے نتیجے میں گھر میں موجود قیمتی سامان جل کر خاکستر ہو گیا تاہم جانی نقصان نہیں ہو سکا ، متاثرین نے سکھر انتظامیہ اور سکھر کے منتخب نمائندگان سے مالی مدد کی اپیل کی ہے ۔