کراچی (وقائع نگار/عطاء اللہ ابڑو) مشہور ٹک ٹاکر حریم شاہ کے پیپلزپارٹی رکن اسمبلی سے شادی کے دعوے کے بعد پی پی ارکان وضاحتیں دینے پر مجبور ہوگئے۔ ترجمان سندھ حکومت مرتضیٰ وہاب سے صحافی نے جب حریم شاہ کی ایم پی اے سے شادی سے متعلق سوال کیا تو انہوں نے مسکراتے ہوئے اپنے ہاتھ دکھا ئے۔ مرتضیٰ وہاب نے میڈیا نمائندوں کو کیمروں کے سامنے ہاتھ دکھاتے ہوئے کہا کہ میرے ہاتھ صاف ہیں۔ مشہور ٹک ٹاکر نے پی پی سے تعلق رکھنے والے کسی رکن سندھ اسمبلی سے شادی کا دعویٰ کردیا ہے تاہم حریم شاہ نے مبینہ شوہر کا نام نہیں بتایا، رکن سندھ اسمبلی سے شادی کے دعوے نے پی پی ارکان اسمبلی میں کھلبلی مچا دی ہے حریم سے شادی آخر کس نے کی ہے، اراکین ایک دوسرے سے سوالات کرنے لگے ہیں۔ واضح رہے کہ ٹک ٹاکر نے اپنے مبینہ شوہر کے ہاتھ کی تصویر  بھی سوشل میڈیا پر شیئر کی ہے، یہ دعویٰ جھوٹ ہے یا حقیقت یہ اب تک واضح نہیں ہوسکا تاہم سوشل میڈیا پر یہ معاملہ موضوع بحث بن گیا ہے۔ صارفین کی جانب سے تبصروں کا سلسلہ بھی جاری ہے علاوہ ازیں ٹک ٹاکر حریم شاہ کی مبینہ شادی کا معاملہ، شہلا رضا بول پڑیں۔ پیپلزپارٹی کی سینئر رہنما شہلا رضا نے معروف ٹک ٹاکر حریم شاہ کی مبینہ شادی سے متعلق تبصرہ کرتے ہوئے کہا ہے کہ حریم شاہ کی اگر شادی ہوئی ہے تو یہ شرعی بات ہے اپنے ایک بیان میں شہلا رضا کا کہنا تھا کہ میرے علم میں نہیں کہ حریم شاہ نے کس سے شادی کی ہے، اگر اس نے حقیقت میں شادی کی بھی ہے تو ہمیں حق نہیں پہنچتا کہ ہم اس پر بات کریں،مشہور ٹک ٹاکر نے پی پی سے تعلق رکھنے والے کسی رکن سندھ اسمبلی سے شادی کا دعویٰ کردیا ہے تاہم حریم شاہ نے مبینہ شوہر کا نام نہیں بتایا۔رکن سندھ اسمبلی سے شادی کے دعوے نے پی پی ارکان اسمبلی میں کھلبلی مچا دی ہے حریم سے شادی آخر کس نے کی ہے، اراکین ایک دوسرے سے سوالات کرنے لگے ہیں،حریم شاہ کی شادی کے دعوے نے کھلبلی مچادی۔ حریم شاہ شادی آخر کس نے کی ہے ایک دوسرے سے سوالات کرنے لگے۔ ،اراکین اسمبلی ایک دوسرے سے سوالات کررہے ہیں کہ سائیں کہیں وہ تم تو نہیں؟ سوشل میڈیا پر حریم شاہ اور اکے مبینہ شوہر کے ہاتھ کی تصویر پر تبصرہ کرتے ہوئے اراکین اپنی صفائی پیش کررہے ہیں اور ہاتھ کی تصویر شیئر کر کے بتا رہے ہیں کہ یہ ان کا ہاتھ نہیں لیکن یہ خوش نصیب ہے کون ہم یہ بھی نہیں جانتے۔ واضح رہے کہ ٹک ٹاک اسٹار حریم شاہ نے ایک نجی چینل سے گفتگو میں اپنی شادی کی تصدیق کی تھی تاہم انہوں نے اپنے شوہر کا نام صیغہ راز میں رکھا ہوا ہے۔ ان کا کہنا ہے کہ وہ باقی تفصیلات جلد اپنے مداحوں کو بتائیں گی۔  واضح رہے کہ گزشتہ روز حریم شاہ کی جانب سے اْن کے انسٹاگرام اکاؤنٹ پر ایک تصویر شیئر کی گئی تھی جس میں ایک لڑکی نے لڑکے کا ہاتھ تھاما ہوا تھا اور دونوں نے منگنی کی انگوٹھی بھی پہنی ہوئی تھی۔