بھریا حادثے کا زخمی  اسپتال میں دم توڑ گیا

نواب شاہ (نامہ نگار) سڑک کے حادثہ کا زخمی نواب شاہ کے پی ایم سی اسپتال میں چل بسا۔ چار روز قبل شاہ نواز بروہی سکنہ بھریاروڈ موٹر سائیکل پر جارہا تھا کہ ایک تیز رفتار ٹریکٹر ٹرالی اْس کے موٹر سائیکل سے ٹکرا گئی جس کے نتیجہ میں وہ شدید زخمی ہو گیا ،اْسے تشویشناک حالت میں نواب شاہ کے پی ایم سی اسپتال میں لاکر داخل کیا گیا جہاں وہ چار روز تک زندگی اور موت کی کشمکش میں مبتلا رہنے کے بعد زندگی کی بازی ہار گیا ،اْسکی میت گھر پہنچنے پر کہرام مچ گیا ۔