پاکستان کے عالمی شہرت یافتہ گلوکار عاطف اسلم کے نئے گانے دل جلانے کی بات نے سوشل میڈیا پر دھوم مچا دی۔ یوٹیوب پر جاری کئے گئے گانے کو عاطف اسلم کے مداحوں کی جانب سے گانے کو بہت پسند کیا جا رہا ہے۔عاطف اسلم کا نیا گانا دل جلانے کی بات ریلیز ہوتے ہی مقبول ہوگیا۔ یوٹیوب پر اس گانے کو ایک دن میں تقریبا ایک ملین بار دیکھا جاچکا ہے۔ گانے میں عاطف اسلم نے اپنی آواز کا جادو جگایا ہے۔ موسیقی سعد سلطان نے دی ہے اورگانے کی ہدایات ڈیوڈ زینی نے دی ہے۔ بھارتی مداحوں میں بھی گانا بہت مقبول ہورہا ہے اور بھارت سے بھی ان کے نئے گانے پر لوگ تبصرے کرتے ہوئے کہہ رہے ہیں کہ ہمیں بالی ووڈ میں عاطف اسلم کی کمی محسوس ہورہی ہے۔ ایک بھارتی صارف نے کمنٹ کیا کہ یہ گانا ایک لمبے عرصے تک لوگوں کے دلوں پر راج کرتا رہے گا۔ یہ گانا اس سے قبل پاکستان کی معروف گلوکارہ فریدہ خانم نے گایا تھا۔