لاہور(نامہ نگار) صوبائی دارالحکومت سے 2 نامعلوم افراد کی نعشیں ملی ہیں ۔شہر میں ملنے والی نامعلوم لاشوں کی تعداد میں اضافہ ہوگیا ہے۔ گزشتہ روز داتا دربار پائلٹ ہوٹل کے قریب سے 60 سالہ معمر شخص جبکہ بھاٹی گیٹ میں لیسکو گریڈ سٹیشن کے قریب سے 25 سالہ نامعلوم نوجوان کی نعشیں ملی ہیں۔ اطلاع پر متعلقہ پولیس نے موقع پر پہنچ کردونوں نعشیں قبضے میں لے کر پوسٹ مارٹم کیلئے مردہ خانے منتقل کر کے قانونی کارروائی کا آغاز کردیا ۔علاوہ ازیں ایدھی فاؤنڈیشن لاہور نے گزشتہ چند روز میں شہرکے مختلف علاقوں سے ملنے والی 8 نامعلوم کی لاشوں کی تدفین کر دی ہے ۔
 جن میں تھانہ نواب ٹاؤن ،تھانہ غالب مارکیٹ ، تھانہ گارڈن ٹاؤن، تھانہ باغبا پورہ اور تھانہ گجر پورہ سے ایک ایک جبکہ تھانہ داتا دربارکے علاقے سے ملنے والی 3 نعشیںشامل ہیں۔ان نعشوں کی شناخت نہ ہونے پر ایدھی فاؤنڈیشن نے شہر کے مختلف علاقوں کے قبرستان میں تدفین کر دی ہے۔