لاہور(سپورٹس رپورٹر)سری لنکا کیخلاف ٹیسٹ سیریز کی تیاریاں جاری ہیں، پاکستان ٹیسٹ سکواڈ  نے دو روزہ سینیریو میچ کھیلا، بابر اعظم نے سنچری بنائی، فواد عالم اور امام الحق نے ففٹی سکور کی۔ کپتان بابر اعظم نے 134 رنز کی ناقابلِ شکست اننگز کھیلی۔ سرفراز احمد 41، سلمان علی آغا 48، فواد عالم 75 اور امام الحق 50 رنز کیساتھ نمایاں رہے۔محمد نواز نے 30، حسن علی نے 31 اور عبداللہ شفیق نے 20 رنز بنائے۔ بابر اعظم، مبصرخان اور حارث رئوف نے دو، دو جبکہ شاہین شاہ آفریدی، فہیم اشرف، حسن علی اور یاسر شاہ نے ایک ایک وکٹ حاصل کی۔