پانی قدرت کی عظیم نعمت ، خلقت کی پیاس بجھانا مقبول نیکی ہے:  مظہر رندھاوا

نوشہرہ ورکاں(نامہ نگار)پانی قدرت کی عظیم نعمت ،  خلقت کی پیاس مقبول نیکی ہے گنجان آبادیوں میں صاف پانی عوام کا بڑا مسئلہ ہے جماعت اسلامی خدمت خلق کے جذبہ کے تحت عام لوگوں کو فلٹرشدہ صاف پانی کی فراہمی کے لیے بڑے شہروں کے بعد اب چھوٹے شہروں بھی واٹر فلٹریشن پلانٹ لگا رہی ہے ان خیالات کا اظہار امیر جماعت اسلامی گوجرانوالہ مظہر اقبال رندھاوانے پچیس لاکھ کی مالیت سے الخدمت فاونڈیشن کے تحت دفترجماعت اسلامی سے منسلک واٹر فلٹریشن پلانٹ کا افتتاح کرتے ہوئے کیا اس موقع پر خالد احمد شیخ صدر الخدمت فاؤنڈیشن ضلع گوجرانوالہ، راو ارسلان احمد ،میاں لیاقت علی ،مظہراقبال ساجد ،فاروق احمد کھارا صدر الخدمت فاونڈیشن نوشہرہ ورکاں اور معززین علاقہ کی بڑی تعداد موجودتھی۔رہنماجماعت اسلامی میاں لیاقت علی نے کہاکہ ہر شہری کو جدیدپلانٹ سے فلٹر شدہ پانی ایک روپیہ فی لیٹر ملے گا ۔صاف پانی پینے سے شہری کئی امراض سے محفوظ رہ سکتے ہیں۔ تقریب میں  امید وار این اے 75 سردار عبد الرزاق نے کہا پاکستان کے مسائل جماعت اسلامی جیسی ایماندار اور دلیر قیادت ہی ختم کرسکتی ہے۔