وزیراعظم کا امیر قطر اور ترک صدر سے رابطہ، عیدالاضحٰی کی مبارک دی

 وزیراعظم شہباز شریف کا امیر قطر تمیم بن حمد آل ثانی اور ترک صدر رجب طیب اردگان سے رابطہ ہوا جس میں انہوں نے دونوں قائدین کو عیدالاضحٰی کی مبارک باد دی۔وزیراعظم شہباز شریف نے امیر قطر کو ٹیلفون کیا جس میں انہوں نے قطر کے عوام کو بھی عید کی مبارک دی اور ان کیلئے نیک تمناؤں کا اظہار کیا، امیر قطر نے بھی وزیراعظم شہباز شریف اور پاکستان کے عوام کو عید کی مبارک دی اور جوابی خیر سگالی کے جذبات کا اظہار کیا۔