دوسال قبل گم ہونے والا کتا 1000 میل دور سے مالک کو مل گیا

فلوریڈا (نیٹ نیوز) امریکہ میں ایک شخص کو اپنا گمشدہ کتا دو سال بعد گھر سے تقریباً 1000 میل دور فلوریڈا سے مل گیا۔ کتے کے مالک ٹونی ڈنکن کا کہنا تھا کہ ان کا کتا ’لْونا‘ کچھ جنگلی جانوروں کا پیچھا کرتے ہوئے ان کے مارڈیلا سپرنگز کے گھر سے قریبی جنگل میں گیا لیکن واپس نہیں آیا۔ ٹونی ڈنکن کا کہنا تھا کہ اگرچہ انہوں نے اپنے کتے کے واپس ملنے کی امید نہیں چھوڑی تھی لیکن گزشتہ ہفتے فلوریڈا میں قائم لابیلے اینیمل کنٹرول کی جانب سے کال موصول ہونے پر وہ حیران تھے۔