لاہور(نامہ نگار)شہر کے مختلف علاقوں میں ڈکوؤں اورچوروں نے ڈکیتی اور چوری کی متعدد وارداتوں میں شہریوں سے لاکھوں روپے مالیت کی نقدی، زیورات، موبائل فون،موٹر سائیکلیں ،گاڑیاں اور دیگر سامان لوٹ لیا ہے۔ تفصیلات کے مطابق ڈاکوؤں نے سول لائن کے علاقے میں جنیدکے گھر میں گھس کر اہلخانہ کو گن پوائنٹ پر یرغمال بنا کر 5 لاکھ19ہزار روپے مالیت کی نقدی، طلائی زیورات، موبائل فون اور دیگر سامان، یکی گیٹ کے علاقے میں مقصود اور اس کی فیملی سے ساڑھے 3 لاکھ روپے مالیت کی نقدی، طلائی زیوارات اور موبائل فون،ہڈیارہ کے علاقے میں آصف سے گن پوائنٹ پر70 ہزار روپے اور موبائل فون،راوی رود کے علاقے میں فواد سے گن پوائنٹ پر 30 ہزار نقدی اور موبائل فون،شادباغ کے علاقے میں مجیب سے گن پوائنٹ پر72 ہزار نقدی اور موبائل فون، مغلپورہ کے علاقے میں امجدسے 60 ہزار نقدی اور موبائل فون، گڑھی شاہو کے علاقے میں عمر سے 20 ہزار نقدی اور موبائل فون،کیولری گراؤنڈ کے علاقے میں انس سے 15 ہزار نقدی اور موبائل لوٹ لیا اور فرار ہوگئے ہیں۔ چوروں نے مصری شاہ کے علاقے میں فاروق کے گھر سے 4 لاکھ 80ہزار روپے مالیت کی نقدی،طلائی زیورات اور دیگر سامان چوری کر لیااورفرار ہو گئے ہیں۔چوروں نے ماڈل ٹاؤن،جنوبی چھاؤنی، ڈیفنس اورجوہر ٹاؤن کے علاقوں میں سے 4 گاڑیاں جبکہ مسلم ٹاؤن،اچھرہ،نواں کوٹ،راوی روڈ،کاہنہ،شاہدرہ، کوٹ لکھپت، سندر اور سبزہ زار کے علاقوں میں سے 9 موٹر سائیکلیں چوری کر لیں۔