سی پیک ا ہم منصوبہ ، خطے کی تقدیر بدل دے گا: یوسف رضا گیلانی  

اسلام آباد (خبرنگار) چیئرمین سینٹ سید یوسف رضا گیلانی نے مالی سال 2023 کی سالانہ پائیدار ترقی کی رپورٹ کے اجراء کے حوالے سے تقریب سے بطور مہمان خصوصی خطاب کیا۔ یوسف رضا گیلانی نے کہا کہ سی پیک اس خطے کا ایک اہم منصوبہ ہے جو خطے کی تقدیر بدل دے گا۔ سی پیک کا دوسرا مرحلہ ایک خوش آئند اقدام ہے اور پاکستان کی تمام سیاسی جماعتیں سی پیک کے حوالے سے ایک صفحہ پر ہیں۔ چیئرمین سینٹ نے کہا کہ سی پیک کے لئے صدر آصف علی زرداری کی قیادت نے راہیں ہموار کیں تھیں اور آج ہم سی پیک مکمل کرنے کا عزم فخر سے کہہ سکتے ہیں۔ شہید ذوالفقا ر بھٹو اور چین کے رہنما چیئرمین مائو دونوں ممالک کے مابین بردارانہ تعلقات کے خالق تھے۔