گوجرخان(نامہ نگار)مرکزی میلاد کمیٹی گوجر خا ن کے ایک وفد جس میں نائب صدر مرزا تیمور وار ثی،جنرل سیکرٹری عبدالصبور کیانی، فنانس سیکرٹری چو ہدری گل محمد صراف، سیکرٹری نشر و اشاعت نصیر چشتی ،علامہ عمیر مدنی، نثار عطاری، ٹھیکیدار راجہ اخلاق اور عمران گل شامل تھے نے ملک جاوید اقبال صدر پوٹھو ہا ر پریس کلب گوجرخان کی رہائشگاہ پر ان سے ملا قات کی اور ان کو الیکشن جیتنے پر مبارکباد پیش کی اور امید کااظہارکرتے ہوئے کہا کہ ملک جاوید اقبال ماضی کی طرح اہل علاقہ کی آواز بن کر ان کے مسائل حل کرانے میں اپنا کردار ادا کریں گے، وفد کی جانب سے ملک جاوید اقبال کی جیت کو عوام علاقہ و پوٹھوہار پریس کلب کیلئے خوش آئند قرار دیا گیا،وفد نے مزید کہا کہ صحافی عوام اور ارباب اختیار کے درمیان ایک پل ہیں جو دونوں جانب کو ایک دوسرے کے ساتھ جوڑنے اور رشتوں کو مضبوط بنانے میں مددگار ثابت ہوتا ہے،آخر میں نائب صدر مرزا تیمور وارثی،جنرل سیکرٹری عبدالصبور کیانی، فنانس سیکرٹری چوہدری گل محمد صراف، سیکرٹری نشر و اشاعت نصیر چشتی،علامہ عمیر مدنی، نثار عطاری، ٹھیکیدار راجہ اخلاق اور عمران گل نے ملک جاوید اور ان کے ساتھ دیگر منتخب ہونے والوں کے لیے نیک خواہشات کا اظہار کیا۔