اسلام آباد (پ ر) پی ٹی سی ایل نے کارپوریٹ صارفین کیلئے اپنی نوعیت کی پہلی منیجڈ وائڈ ایریا نیٹ ورک (WAN) سروس کے حوالے سے سیمینار کا انعقاد کیا۔ اس موقع پر حامد فاروق پی ٹی سی ایل سینئر ایگزیکٹو وائس پریذیڈنٹ بزنس ڈویلپمنٹ نے کہا کہ پی ٹی سی ایل قابل بھروسہ اور مناسب قیمت پر اداروں اور کمپنیوں کے لئے کارپوریٹ سہولیات فراہم کر رہا ہے۔ نعمان اشرف سینئر منیجر آئی سی ٹی پروڈکٹس نے کہا کہ یہ سروس خصوصی طور پر کارپوریٹ صارفین کی بڑھی ہوئی ضروریات کے پیش نظر ڈیزائن کی گئی۔ سمیر عجاوی اتصلات ایڈوائزری ٹیم ممبر نے ”ہوسٹڈ آئی پی ٹیلی فونک سلوشن“ بھی متعارف کروائی جو کہ کارپوریٹ صارفین کو مکمل ہوسٹڈ کولیبوریشن کی سہولت فراہم کرتی ہے۔