کراچی میں آپریشن کے مثبت نتائج برآمد ہوئے : عائشہ رفیق رانا

لاہور( پ ر ) مسلم لیگ ن یوتھ ونگ لاہور کی نائب صدر عائشہ رفیق رانا نے کہا ہے کہ   وزیراعظم نواز شریف کراچی کو دوبارہ روشنیوں کا شہر بنانے کیلئے  تمام اقدامات اٹھا رہے ہیں ۔کراچی میں آپریشن کے مثبت نتائج برآمد ہوئے  اور وہاں ٹارگٹ کلنگ کے واقعات میں کافی حد تک کمی ہو چکی ہے، سیاست کی آڑ میں خون بہانے والوں کا انجام قریب آ گیا۔ڈیفنس میں اپنی رہائشگاہ پر پارٹی کی خواتین کارکنان  کے وفد سے ملاقات کے دوران عائشہ رفیق رانا نے مزید کہا کہ حکومت نے کراچی آپریشن تمام سیاسی جماعتوں کی مشاورت سے شروع کیا اسے منطقی انجام تک پہنچایا جائیگا۔ انہوں نے کہا کہ وزیراعلیٰ پنجاب شہباز شریف بھی عوام کو ریلیف فراہمی کیلئے تمام وسائل بروئے کار لا رہے ہیں۔