شیخوپورہ (نامہ نگار خصوصی+ نمائندہ خصوصی) تھانہ صدر کے علاوہ بھدرو میں گزشتہ رات بارش سے بجلی کے پول میں کرنٹ کے باعث 14 سالہ فہد رضا بھسم‘ نعش ناقابل شناخت ہو گئی۔ گھر پہنچی تو کہرام، والدین پر سکتہ طاری ہو گیا‘ جبکہ تھانہ صفدر آباد کے علاقہ گائوں متابہ میں چالیس سالہ نوجوان محمد شاہد بجلی کی لٹکتی ہوئی تاروں کی زد میں آکر جاں بحق ہو گیا۔ اہل علاقہ کے مطابق انہوں نے ان لٹکتی ہوئی تاروں سے متعلق لیسکو حکام کو آگاہ کیا تھا مگر کوئی کارروائی عمل میں نہ لائی گئی۔ پولیس نے اہل علاقہ کے احتجاج پر لائن سپرنٹنڈنٹ کو گرفتار کر لیا۔