پاکستان کی مدد کرنے پر چینی حکومت اور عوام کے شکرگزار ہیں، اسرار الحق مشوانی

اسلام آباد ( نمائندہ خصوصی) فیڈریشن آف رئلیٹرز پاکستان کے مرکزی رہنماء اسرار الحق مشوانی نے پاکستانی بھائیوں کی مدد کے لیے آنے والی چینی ٹیم کا خیر مقدم کیا ہے اور کہا کہ ہم پوری قوم انسانیت کے لیے ان کی کوششوں کو سراہتے ہیں انہوں نے ہفتہ کے روز کرونا وائرس کے پھیلائو کو روکنے کے لیے سماجی ٹیم کے طور پر کام کرنے والے نوجوانوں کے ایک وفد سے ویڈیو کانفرنس کے ذریعے اپنے بیان میں کہا کہ ہم اس بحران میں حکومت کی ہر کوشش میں ساتھ دیں گے انہوں نے کہا ہمیں خوشی ہوئی ہے کہ کورونا وائرس سے نمٹنے کیلیے چینی ڈاکٹروں پرمشتمل خصوصی ٹیم پاکستان پہنچ گئی، چین کی ٹیم 2ہفتے تک پاکستانی ڈاکٹرز کو تربیت دے گی یہ بات ہمارے اعتماد میں اضافے کا باعث ہے کہ چین کے طبی ماہرین کورونا وائرس سے نمٹنے کیلیے پاکستان کی مدد کو تیار ہے کیونکہ خصوصی طیارہ طبی سامان، ادویات اور سرجیکل ماسک لیکرپاکستان پہنچا ہے انہوں نے کہا کہ ہم پاکستان کی مدد کرنے پر چین کی حکومت اور چینی عوام کا شکریہ ادا کرتے ہیں۔