کنری( نامہ نگار)فصلوں میں مویشی داخل ہونے پر جھگڑے کے نتیجے میں زمیندار اور چرواہا کلہاڑیاں لگنے سے زخمی ہو گئے،تفصیلات کے مطابق کنری کے نواحی قصبے بوسٹاں کے گاؤں میں زمیندار نصیر حسین آرائیں کی فصلوں میں مویشی داخل ہونے پر زمیندار اور چرواہے کے درمیان جھگڑے کے دوران کلہاڑیاں چل گئیں جس کے نتیجے میں زمیندار نصیر حسین آرائیں اور چرواہا اکرم کپری کلہاڑیاں لگنے سے شدید زخمی ہو گئے دونوں زخمیوں کو تعلقہ اسپتال کنری داخل کرایا گیا ہے جن کی حالت خطرے سے باہر بتائی جاتی ہے تا حال واقعے کا مقدمہ درج نہ ہو سکا ہے۔