یورو گوئے فٹ بال فیڈریشن نے کوچ سمیت 400ملازمین کو فارغ کردیا

لاہور(سپورٹس ڈیسک) یورو گوئے فٹ بال فیڈریشن نے کرونا وائرس کی وجہ سے کھیل نہ ہونے کے سبب کوچ سمیت 400ملازمین کو فارغ کردیا ۔ فیڈریشن کی ایگزیکٹو کمیٹی نے کہا ہے کہ صحت کے موجودہ مسائل کی وجہ سے تمام سرگرمیاں ختم ہوگئی ہیں جس کی وجہ سے مشکل فیصلے کرنے پڑ رہے ہیں ۔ مشکل فیصلوں کا مقصد مستقبل میںادارے کو بچانا ہے ۔ فوری طور پرقومی ٹیم کے 73سالہ کوچ تبریز سمیت 400افرادکو ملازمت سے فارغ کیا جا رہا ہے ۔ ادارے کی خاطر تمام کنٹریکٹس ختم کئے جارہے ہیں صرف ضروری سٹاف کی خدمات ہی جاری رہیں گی ۔ ادارے کو چلانے کیلئے بنیادی سٹاف کو برقرار رکھا گیا ہے ۔