فیروزوالہ( نامہ نگار)آئی جی پنجاب پولیس انعام غنی نے ضلع شیخوپورہ میں 4 نئے پولیس سٹیشن بنانے کے منصوبہ کی منظوری دیدی ہے۔ ذرائع کے مطابق آبادی میں اضافے کی بناء پر یہ منصوبہ ڈی پی او غلام مبشر میکن نے تیار کر کے آئی جی پنجاب پولیس کو منظوری کیلئے بھیجا تھا۔ نئے تھانے برج اٹاری‘ جیون پورہ‘ جھبراں اور سٹی فیروز والا میں بنائے جائیں گے۔ ڈی پی او نے محکمہ مال کے حکام سے مطالبہ کیا ہے کہ ان تھانوں کی تعمیر کے علاوہ تھانہ ہاؤسنگ کالونی کی نئی عمارت کی تعمیر کیلئے بھی سرکاری جگہ الاٹ کی جائے۔