پولیس لائنز قلعہ گجر سنگھ‘210اہلکاروں کی فائر پریکٹس

لاہور(نامہ نگار)پولیس لائنز قلعہ گجر سنگھ کی گذشتہ ہفتہ کی کارکردگی رپورٹ کے مطابق ڈولفِن سکواڈ کے 165، سکیورٹی ڈویژن کے 13 جبکہ پولیس لائنز کی سکیورٹی پر تعینات 32 افسران و اہلکاروں کو فائر پریکٹس کروائی گئی۔پولیس جوانوں کو ایس ایم جی،ایم پی فائیو اور بریٹا پسٹل کے راؤنڈ فائر کروائے گئے۔سمارٹ لاک ڈاؤن علاقوں میں پولیس لائنز سے 150 سے جوان روزانہ کی بنیاد پر تعینات کئے گئے۔ جوڈیشل ونگ نے ڈسٹرکٹ لاہور کے 3827 جبکہ دیگر اضلاع کے 53 ملزمان کو بحفاظت مختلف عدالتوں میں پیش کیا۔شہداء ، دوران سروس وفات اور میڈیکل کی بنیاد پر ریٹائرڈ اہلکاروں کے بچوں کیلئے بھرتی کے عمل کا آغاز کردیا گیا۔ یوم پاکستان اور مختلف احتجاج سمیت اہم سکیورٹی پوائنٹس پر روزانہ 102 سے زائد پلاٹون روانہ ہوئی۔اہم شخصیات کی پیشی پر 380 سے زائد اہلکار تعینات کئے گئے۔خواتین ملزمان کی عدالتوں میں پیشی کے دوران روزانہ 53 لیڈیز اہلکاروں نے فرائض سرانجام دیئے۔