کراچی، مسافر بسوں اور اسکول وینوں میں لگے سی این جی سلنڈر چلتے پھرتے بم

کراچی(وقائع نگار)کراچی میں مسافربسوں میں لگے سی این جی کے سلنڈرچلتے پھرتے بم بن گئے ،حکومتی دعووں کے عین برعکس مسافروں سے بھری پپلک ٹرانسپورٹ میں سی این جی کا استعمال جا ری ہے جبکہ پولیس،ٹریفک پولیس سمیت تمام متعلقہ اداروں کی مجرمانہ غفلت کے باعث رونما ہونے والے ایک اور سانحے کے بعد نااہل،بدعنوان اور سفارشی ارباب اختیار حسب سابق مگرمچھ کے آنسو بہاتے ہوئے سامنے آجائیں گے بعدازاں نمائشی کارروائیوں کے ذریعے اضافی بھتہ وصول کرنے کے  بعد چند اور معصوم زندگیوں کا چراغ گل ہونے تک غفلت کی نیند سو تے رہیں گے ،شہریوں نے مسافربسوں میں لگے زائدمیعادسی این جی کے سلنڈرزکوچلتے پھرتے بم قراردیتے ہوئے گاڑی مالکان کیخلاف تادیبی کارروائی کرنے کامطالبہ کیاہے۔