حافظ آباد:رانا خالد محمودکی زیر صدارت عوامی محاذ کا اجلاس‘ اچھی کارکردگی پر ڈی پی اوکو خراج تحسین  

حافظ آباد(نمائندہ نوائے وقت ) عوامی محاذ حافظ آباد کا اجلاس ضلعی صدر رانا خالد محمودکی زیر صدارت منعقد ہوا جس میں سیکریٹری جنرل نجیب الرحمن کے علاوہ ممبران نے شرکت کی۔اس موقع پر شرکاء اجلاس نے حافظ آباد پولیس کو جدید خطو ط پر استوار کر کے کارکردگی میں خاطر خواہ اضافہ کرنے پر ڈی پی او حافظ آبادڈاکٹر رضوان احمد  کو خراج تحسین پیش کیا گیا ۔اجلاس میں کہا گیا کہ وزیر اعلی پنجاب کا ڈی پی او آفس میں کمانڈ اینڈ کنٹرول روم کا دورہ اور پراجیکٹ کو سراہنا حافظ آباد کے شہریوں کیلیے باعث فخر ہے جدید کیمروں   اور وہیکل ٹریکنگ سسٹم سے لیس کمانڈ اینڈ کنٹرولروم ڈاکٹر رضوان احمد خاں کے ویژن کا منہ بولتا ثبوت ہے جو  دیگر اضلاع کے لئے بھی  قابل تقلید پراجیکٹ ہے،اپنی مدد آپ کے تحت بنائے گئے اس پراجیکٹ سے جرائم. کی شرح میں خاطر خواہ کمی آئے گی اور حافظ آباد پولیس پنجاب پولیس کے   بہترین اور پروفیشنل یونٹ کے طور پہ سامنے.آئے گی۔