گوجرانوالہ (نمائندہ خصوصی)آئے روز کسی نہ کسی وزیر کا اربوں کی کرپشن اور نااہلی کے سکینڈل پر وزارت تبدیلی پر اس مافیا کے سرپرست سیلیکٹڈ وزیراعظم کو خود مستعفی ہوجانا چاہیے پی ڈی ایم کے بانی بلاول بھٹو زرداری ہیں وہ کبھی نہیں چاہیں گے کہ پی ڈی ایم ٹوٹ جائے سینیٹ میں روایت ہے جس جماعت کے ووٹ زیادہ ہوں اپوزیشن لیڈر بھی اسی جماعت کا ہوتا ہے ان خیالات کا اظہار پیپلز پارٹی کے سٹی سیکرٹری اطلاعات صغیر بٹ نے گوندلانوالہ روڈ پیپلز سیکرٹریٹ میں پریس کانفرنس کرتے ہوئے کیااس موقع پر ان کے ہمراہ نائب صدر رانا محمد حنیف، ملک بھٹو، راشد گجر ، عدنان مہر ودیگر بھی موجود تھے صغیر بٹ نے کہا کہ مسلم لیگ ن کی جانب سے یوسف رضا گیلانی کے سینیٹ میں اپوزیشن لیڈر منتخب ہونے پر اعتراضات اٹھائے جا رہے ہیں جو کہ بالکل سمجھ سے بالاتر ہے سینیٹر یوسف رضا گیلانی ووٹ کی طاقت سے اپوزیشن لیڈر منتحب ہوئے ہیںدلاور خان ن لیگ سے تعلق رکھتے ہیں جو کہ آزاد حیثیت سے منتحب ہوئے تھے انہوں نے یوسف رضا گیلانی کو ووٹ دیا ہے اس پر ن لیگ اتنا ایشو کیوں بنا رہی ہے۔