میکسیکو سٹی (نیٹ نیوز) شمالی میکسیکو میں امیگریشن کے ایک حراستی مرکز میں لگنے والی خوفناک آگ سے 39 افراد جھلس کر ہلاک اور 29 زخمی ہوگئے۔ غیر ملکی خبر رساں ادارے کے مطابق حراستی مرکز میں کام کرنے والے ایک اہلکار نے نام ظاہر نہ کرنے کی شرط پر بتایا کہ تارکین وطن کے حراستی مرکز میں لگنے والی آگ میں 39 ہلاکتوں کی تصدیق ہوگئی ہے۔ اہلکار نے مزید بتایا کہ 29 افراد بری طرح جھلس کر شدید (صفحہ4 پر بقیہ نمبر22)
زخمی حالت میں زیر علاج ہیں جن میں سے 13 کی حالت تشویشناک ہونے کے باعث ہلاکتوں میں اضافے کا خدشہ ہے۔ تاحال آگ لگنے کی وجہ سامنے نہیں آئی۔ اس حراستی مرکز میں 100 سے زائد تارکین وطن اس آس میں رہ رہے ہیں کہ ان کی امیگریشن کی درخواستیں قبول ہو جائیں گی۔
میکسیکو/ آتشزدگی