بھارتی قیادت پاکستان کیساتھ غیر صحت مندانہ جنون کی عکاس : دفتر خارجہ 

اسلام آباد (نوائے وقت رپورٹ) بھارتی وزیر خارجہ ایس جے شنکر کے ریمارکس پر ترجمان دفتر خارجہ ممتاز زہرہ بلوچ نے رد عمل دیتے ہوئے کہا ہے کہ یہ ریمارکس بھارتی قیادت کے پاکستان کے ساتھ غیر صحت مندانہ جنون کی عکاس ہیں۔ تفصیلات کے مطابق ترجمان دفتر خارجہ نے بھارتی وزیر خارجہ کے بیان پر کہا ہے کہ پاکستان کو بدنام کرنے کے بعد بھارتی رہنماو¿ں نے اب پنڈتوں کا کردار سنبھال لیا ہے، (صفحہ4 پر بقیہ نمبر11)
بھارت بہت آسانی سے اپنے ملک میں ہونے والی کارروائیوں کو نظر انداز کر دیتا ہے۔ ترجمان نے کہا کہ بھارت میں انتہا پسند ہندوتوا نظریے کے عروج سے سماجی تانے بانے کو توڑا جا رہا ہے۔ انھوں نے کہا بھارت کی اندرونی ناکامیوں کی فہرست کافی وسیع اور بڑھتی جا رہی ہے، بھارت کو چاہیے کہ وہ پاکستان کی خامیاں نکالنے کی بجائے ان کے حل پر توجہ دیں۔ ترجمان کا کہنا تھا کہ بھارتی ریمارکس کوئی مقصد نہیں رکھتے، یہ دو طرفہ تعلقات پر اضافی دباو¿ ڈالتے ہیں اور جنوبی ایشیا میں امن کے امکانات کو مزید خراب کرتے ہیں۔