شاہ جمال، منڈا چوک(نامہ نگار) چھت اور دیوارگرنے سے ملبے تلے دب کر 2مزدور جاں بحق۔ تفصیل کے مطابق احمد موہانہ روڈ چاہ منشی والا کے مقام پر چوہدری امین کے زیر تعمیر بھانے کی چھت اچانک گر گئی نیچے کھڑا نو عمر ملازم لڑکا پندرہ سالہ محمد عمران دب کر جاں بحق ہو گیا دوسرے واقعہ میں نواحی علاقہ جھلار شریف کے مقام پر تین مزدور پرانی دیوار کو گرا نے کی غرض سے دھکا دے رہے تھے جو ان پر آ گری دو مزدوروں نے بھاگ کر جان بچائی جبکہ سجاد حسین عرف سجو ارائیں دیوار کے نیچے دب گیا اسے نکالا گیا تو وہ جاں بحق ہو چکا تھا۔