لاہور ( خصوصی نامہ نگار ) امیر جماعت اسلامی لاہور ضیاالدین انصاری ایڈووکیٹ نے کہا ہے کہ غزوہ بدر اسلام کی عظمت و سربلندی کی عظیم الشان کامیابی ہے۔ فلسطین میں قبلہ اول کی حفاظت کرنیوالے’’ غزہ بدر‘‘کی یاد تازہ کررہے ہیں۔17رمضان المبارک کوتاریخ ِ اسلامی کا نہایت عظیم الشان،ایمان افروزاور حیرت انگیز معرکہ ’’غزوہ  بدر‘‘ پیش آیا۔اسلام کی تاریخ میں غزوات اور جنگوں میں غزوہ  بدر کو مختلف حیثیتوں سے  خاص اہمیت حاصل ہے۔