بونیرگاڑی کھائی میں گرنے سے ایک خاندان کے 8افراد جاں بحق

بونیر(این این آئی)بونیر کے علاقے چغرزی پاندھیڑ میں پک اپ گاڑی گہری کھائی میں گرنے سے 8افراد جاں بحق ہوگئے۔ پولیس کے مطابق بدقسمت گاڑی سواڑی بازار سے شاہی جارہی تھی، بریک فیل ہو کر ڈرائیور سے بے قابو ہوکر کھائی میں جاگری‘ مرنے والے تمام افراد کا تعلق ایک ہی خاندان سے ہے۔حادثے میں جاں بحق ہونے والوں میں 5خواتین، دو بچے اور ایک ڈرائیور شامل ہے، اطلاع پر پولیس اور امدادی ٹیمیں موقع پر پہنچ گئیں، نعشوں کو ہسپتال منتقل کر دیا گیا۔