قلعہ دیدارسنگھ:نوجوان کی پراسرار موت، نعش کچرے کے ڈھیر سے برآمد

قلعہ دیدارسنگھ(نمائندہ خصوصی)24 سالہ نوجوان اسرار طور موت نعش کچرے کے ڈھیر سے برآمد،شناخت ہوگئی ابتدائی تحقیقات میں متوفی کی موت نشہ کی اوور ڈوز لینے سے ہوئی ہے،نعش ورثاء کے حوالے کردی گئی ہے۔تھانہ قلعہ دیدار سنگھ کے علاقہ گلہ تھانیوالا سے 24 سالہ نوجوان کی نعش کچرے کے ڈھیر سے برآمد ہوئی ہے۔ پولیس نے نعش تحویل میں لے کر تحقیقات شروع کردی متوفی کی شناخت زین ولد رستم ساکن محلہ ڈگری کالج کے نام سے ہوئی۔تاہم ورثاء کی طرف سے کاروائی نہ کرنے پر پولیس نے نعش کو ان کے حوالے کردیا ہے۔زین رات کو کچرے کے ڈھیر سے کارآمد چیزیں تلاش کرکے فروخت کرتا تھا۔ابتدائی تحقیق میں موت کی وجہ نشہ کی اوور ڈوز لینے سے ہوئی ہے۔