حضرو (نمائندہ نوائے وقت) مسلم لیگ نون کے نائب صدر اٹک حاجی یعقوب خان نے کہا ہے کہ پاک چین دوستی ہمیشہ قائم رہے گی چین کے شہریوں  پر خودکش حملہ کرنے والے جلد اپنے انجام کو پہنچیں گے ناصر بٹ کی مسلم لیگ نون کے لیے نمایاں خدمات ہیں بلا مقابلہ سنیٹر منتخب ہونے پر مبارکباد پیش کرتے ہیں امید کرتے ہیں کہ وہ مسلم لیگ نون کا مقدمہ پہلے سے زیادہ بہتر انداز میں لڑیں گے ان خیالات کا اظہار انہوں نے حضرو امد کے موقع پر میڈیا کے نمائندوں سے گفتگو کرتے ہوئے کیا حاجی یعقوب خان نے کہا کہ پاکستان دشمن قوتیں سی پیک کو ناکام کرنے کے لیے چین کے انجینئروں  پر حملے کر کے انہیں خوفزدہ کرنے کی کوشش کر رہی ہیں لیکن ان میں  سے ان کو ناکامی کا سامنا کرنا پڑے گا پاک چین دوستی ہمیشہ قائم رہے گی ۔