چوہدری پرویز الٰہی و دیگر ملزمان فرد جرم کیلئے4اپریل کو طلب

لاہور کی اینٹی کرپشن عدالت نے غیر قانونی بھرتیوں کے کیس میں سابق وزیراعلیٰ پنجاب چوہدری پرویز الٰہی و دیگر ملزمان کو فرد جرم کیلئے 4اپریل کوطلب کر لیا۔لاہور کی اینٹی کرپشن عدالت کے جج ارشد حسین بھٹہ نے گزشتہ سماعت کا تحریری حکم جاری کردیا، عدالت نے چوہدری پرویز الٰہی سمیت دیگر ملزمان کو 4 اپریل کو فرد جرم کے لئے طلب کیا ہے۔عدالت نے فیصلے میں لکھا کہ سینٹرل جیل راولپنڈی نے پرویز الٰہی کی میڈیکل رپورٹس جمع کروائیں، 17 مارچ کو رہنما تحریک انصاف واش روم میں گر گئے، گرنے سے پرویز الٰہی  کی پسلی فریکچر ہوئی۔عدالتی حکم میں مزید لکھا گیا کہ میڈیکل افسر نے سابق وزیراعلیٰ پنجاب کو دو ہفتوں کے آرام کا مشورہ دیا ہے، ملزم کو عدالت پیش نہ کیا گیا جس کے باعث فرد جرم عائد نہیں ہو سکی۔