پیرس میں جاری گرینڈ سلام ٹینس ٹورنامنٹ کے ویمنز ایونٹ میں ٹاپ سیڈ امریکہ کی سیرینا ولیمز نے روس کی پاولیوچنکووا کے خلاف دلچسپ مقابلے کے بعد چھ ایک، ایک چھ اور چھ دو سے کامیابی حاصل کی۔ روس کی نادیہ پیٹرووا نے فرانس کی ارغوان ریزائی کو سخت مقابلے کے بعد چھ سات، چھ چار اور دس آٹھ سے شکست دے کر چوتھے مرحلے کے لئے کوالیفائی کیا۔ دوسری جانب مینز ایونٹ میں روس کے غیر معروف کھلاڑی ٹیموریز گاباش ویلی نے نمبر چھ سیڈ امریکہ کے اینڈی روڈک کو غیر متوقع طور پر چھ چار، چھ چار اور چھ دو سے شکست دے کر ٹورنامنٹ سے باہر کر دیا۔ روس ہی کے میخائل یوزنی نے وکٹرٹرائیکی کو دلچسپ مقابلے کے بعد دو چھ، سات چھ، چھ دو اور چھ تین سے شکست دے کر اگلے مرحلے میں جگہ بنائی۔