لاہور(نمائندہ سپورٹس +سپورٹس رپورٹر+نوائے وقت رپورٹ)پاکستان نے ایشینذ سنوکر چیمپئن شپ کے ٹیم ایونٹ میں بھارت اور ایران کے شکست دیدی۔ پہلے میچ میں قومی ٹیم نے شاندار کھیل پیش کرتے ہوئے ایران کو اکسٹھ چھتیس‘انہتر صفر‘ایک صد اکیس صفر اور چونسٹھ بیالیس سے ہرایا۔ دوسرے میچ میں قومی سٹار یکطرفہ مقابلہ میں روایتی حریف بھارت کو صفر کے مقابلے میں تین فریم سے شکست دے کر مسلسل دوسری کامیابی حاصل کی۔پاکستان سنوکر ایسوسی ایشن کے صدر عالم گیر شیخ نے قومی ٹیم کی ایران میں کامیابی پر مبارکباد دیتے ہوئے کہا ہے کہ ہمارے کھلاڑیو ں نے اچھے کھیل کا مظاہرہ کیا۔ ہماری دونوں ٹیموں ایونٹ میں کامیابی کیلئے فیورٹ ہیں۔تیاری کے ساتھ کھلاڑیوں کا بھیجا تھااور اچھے نتائج کی توقع ہے۔اصل امتحان ناک آﺅٹ مرحلے میں شروع ہوگا۔