چاغی: افغان مہاجر کیمپ میں 2 گروپوں میں تصادم‘ ایک شخص ہلاک‘3زخمی

چاغی(اے پی پی)چاغی کے علاقے افغان مہاجر کیمپ میں ایک قبیلے کے دوگروپوں میں تصادم ،ایک شخص جاںبحق جبکہ 3افراد زخمی ہوگئے۔لیویز کے مطابق ہفتہ کو چاغی میں افغان مہاجر کیمپ گردی جنگل میں ایک ہی قبیلے کے دوگروپوں میں اچانک جھگڑا شروع ہوا جس کے نتیجے میں ایک شخص جاں بحق جبکہ 3افراد زخمی ہوگئے۔لیویز فورس نے موقع پر پہنچ کر دونوں گروپوںمیں جھگڑا بند کرکے نعش اور زخمیو ں کو فوری طور پر مقامی ہسپتال منتقل کردیا جہاں زخمیوں کو طبی امداد دی جارہی ہے،پولیس نے تحقیقات شروع کردی ہے۔