لاہور(کلچرل رپورٹر)لاہور آرٹس کونسل الحمرا کے زیر اہتما م قرات و نعت کی پرنور محافل کا انعقادہوا۔ملک بھر سے آئے ہوئے قراء حضرات نے نہایت خوبصورت آوازوں میں فن قرات کا مظاہر کیا۔نامور نعت خواں نے حضرت محمدپر عقید ت کے پھول نچھاور کئے۔ ایگزیکٹو ڈائریکٹر الحمرااطہر علی خان نے اس حوالے سے کہا کہ حمد و نعت کی محافل ایمان تازہ کرنے کی ضامن ہیں،رمضان المبارک رحمتوں ،برکتوں ،مسرتوں ،شادمانیوںاور روحانی آسودگی حاصل کرنے کا مہینہ ہے۔انہوںنے کہا کہ ہمیں ہر پل اللہ کی رحمت حاصل کرنے کے لئے تگ و دو کرنی چاہیے،اللہ کی رضا حاصل کرنے کا ایک اہم ذریعہ یہ ہے کہ اپنی ذات سے پہلے اپنے ہمسائے کی فکر کرئو،سادگی اپنائیں،مشکلات و مصائب میں صبر اختیار کرنا اجر عظیم کا موجب ہے۔