لاہور (خصوصی نامہ نگار)شاہدرہ چلڈرن فیملی پارک کے تعمیراتی کام کے حوالے سے اجلاس کی صدارت چیئرمین پی ایچ اے انجینئر یاسر گیلانی نے کی۔ اجلاس میں ڈی جی پی ایچ اے جواد احمد قریشی،ڈائریکٹر زہارٹیکلچر، ڈائریکٹر انجینئرنگ، ڈائریکٹر ایڈمن،ڈائریکٹر فنانس سمیت دیگر افسران نے شرکت کی۔ڈی جی پی ایچ اے نے چیئرمین پی ایچ اے کو پارک کی تعمیراتی کام کے حوالے سے بریفنگ دی۔  چیئرمین پی ایچ اے انجینئر یاسر گیلانی نے کہا کہ شاہدرہ چلڈرن فیملی پارک کا تعمیراتی کام جلدشرو ع کردیا جائے گا۔فیملی پارک میں تمام سہولیات کی فراہمی کو یقینی بنایا جائے گا۔ ڈی جی پی ایچ اے جواد احمد قریشی نے کہا کہ لطیف چوک شاہدرہ کے مقام پر پارک بنایا جائے گا۔