گوجرانوالہ(نمائندہ خصوصی) تحریک انصاف کے سینئر راہنما حاجی محمد یونس انصاری نے کہا ہے کہ 28 مئی کو پاکستان دنیا کے سامنے پہلی اسلامی ایٹمی قوت بن کر ابھرا، اس روز بلوچستان کے علاقے چاغی کے مقام پر چھ کامیاب ایٹمی دھماکے کئے گئے، یوم تکبیر کا پیغام ہے پاکستان کیخلاف جارحیت کا مظاہرہ کرنے والوں کا انجام عبرتناک ہوگا، پاک افواج ہر قسم کے حالات کا سامنا کرنے کیلئے ہمہ وقت تیار ہے، ان خیالات کا اظہار انہوں نے آرٹس کونسل ہال گوجرانوالہ میں یوم تکبیر کے سلسلہ میں منعقدہ تقریری مقابلے کے فائنل میں بطور مہمان خصوصی خطاب کرتے ہوئے کیا۔