بزرگ دکاندارنے ڈکیتی کی کوشش ناکام بنا کر بہادری کی مثال قائم کردی

کراچی (وقائع نگار)کراچی کے علاقے پٹیل پاڑہ میں ڈاکو  نے دودھ فروش بزرگ کی دکان میں لوٹ 
مار کی کوشش کی،کراچی میں بزرگ دکاندارنے ڈکیتی کی کوشش ناکام بنادی،سوشل میڈیاپروائرل واقعے کی سی سی ٹی وی فوٹیج میں دکھایا گیا ہے کہ ڈاکو نے خریدار بن کر دودھ کی دکان سے خریداری کی اور موقع دیکھ کر دکان میں گھس کر بزرگ دکاندار پر اسلحہ تان لیا،بزرگ شہری نے مسلح ڈاکو کو دبوچا اور کاؤنٹر پر گرا کر گھونسوں کی بارش کردی ،دکاندار کے خوف سے ڈاکو اپنا اسلحہ چھوڑ کر جان بچا کر فرار ہوگیا،پولیس نے سی سی ٹی وی فوٹیج کی مدد سے ملزم کی تلاش شروع کردی ہے ۔