ن لیگ اے ٹی ایم چلانا جانتی ہے‘ ای وی ایم نہیں: پرویزالٰہی 

لاہور (خصوصی نامہ نگار) سپیکر پنجاب اسمبلی چودھری پرویزالٰہی سے سابق ارکان قومی اسمبلی چودھری نذیر جٹ اور ان کی صاحبزادی عائشہ نذیر جٹ نے یہاں ان کی رہائش گاہ پر ملاقات کی۔ اس موقع پر چیئرمین ہانگ کانگ چیمبر آف کامرس اوورسیز پاکستانی چودھری گلزار محمد اور ڈاکٹر سرفراز بھی موجود تھے۔  پرویزالٰہی نے کہا کہ چودھری نذیر جٹ سعودی عرب میں اوورسیز پاکستانیوں کے حقوق بڑی خوش اسلوبی سے ادا کر رہے ہیں۔ انہوں نے کہا کہ ن لیگ صرف ATM چلانا جانتی ہے EVM نہیں،  اوورسیز پاکستانیوں کو ووٹ کا حق ملنا ان کے بنیادی حقوق میں شامل ہے، جعلی حکمرانوں کو عقل نہیں کہ فارن ایکسچینج اوورسیز پاکستانی بھیجتے ہیں جس سے پاکستانی معیشت مستحکم ہوتی ہے۔ چودھری نذیر جٹ نے کہا کہ عمران خان کا آزادی لانگ مارچ پہلے بھی کامیاب ہوا تھا، لاکھوں کی تعداد میں لوگوں نے اس میں شرکت کی۔