واہ انجینئرنگ کالج کے زیر اہتمام گیارہواںاوپن ہاؤس جاب فئیر

اسلام آباد (نامہ نگار )واہ انجینئرنگ کالج کے زیر اہتمام گیارہویں اوپن ہاؤس جاب فئیر کا انعقاد کیا گیا۔ انجینئرمحمد نجیب ہارون، چئیرمین پاکستان انجینئرنگ کونسل نے اوپن ہاؤس میں بطور مہمان خصوصی شرکت کی۔ پروفیسر جمیل النبی، وائس چانسلر یونیورسٹی آف واہ نے مہمان خصوصی کا استقبال کیا۔ الیکٹریکل، مکینکل، میکٹرونکس، کیمیکل، سول انجینئرنگ، مکینکل انجینئرنگ ٹیکنالوجی اور کمپیوٹر سائنس کے طلبا و طالبات نے کل 66 فائنل ائیر کے منصوبے پیش کئے۔ 70 معروف کمپنیوں جن میں پاکستان آرڈننس فیکٹریز، واہ نوبل گروپ آف کمپنیز، ائیر ویپن کمپلیکس، میری ٹائم ٹیکنالوجی کمپلیکس، نیسکام، ہیوی مکینکل کمپلیکس، پاکستان اٹامک انرجی کمیشن، پاکستان سول ایوی ایشن اتھارٹی کے علاوہ کئی پرائیویٹ کمپنیوں کے نمائندوں نے بھی شرکت کی۔