نواز شریف نے عالمی دبا¶ کو مسترد کرکے ملک کو ایٹمی طاقت بنا دیا: رانا تنویر حسین

شیخوپورہ(نمائندہ نوائے وقت+نامہ نگارخصوصی)وفاقی وزیر تعلیم رانا تنویر حسین نے کہا ہے کہ سابق وزیر اعظم میاں نواز شریف نے عالمی دبا¶ کو مسترد کرکے پاکستان کو عالم اسلام کی پہلی اور دنیا کی ساتویں ایٹمی طاقت بنا دیا جس کے باعث پاکستان کا دفاع ناقابل تسخیر ہوچکا ہے ۔ اب کوئی دشمن پاکستان کی طرف سے میلی آنکھ سے بھی نہیں دیکھ سکتا۔ ان خیالات کا اظہار انہوں نے 28مئی کے حوالے سے میڈیا کے نمائندوں سے گفتگو کرتے ہوئے کیا اس موقع پر صوبائی اسمبلی حلقہ پی پی 138حاجی طارق محمود ڈوگر صدر مسلم لیگ نواز حلقہ پی پی 138 چوہدری محمود اختر گورائیہ ، چوہدری شہباز احمد چھینہ، چوہدری وسیم انجم سندھو، بینش قمر ڈار سمیت دیگر لیگی رہنما موجود تھے۔