راولپنڈی، گیس سلنڈر پھٹنے سے 14سالہ نوجوان جاں بحق،7افراد زخمی

 راولپنڈی(جنرل رپورٹر)پیپلز کالونی میں گیس سلنڈر پھٹنے سے دو منزلہ عمارت کا ایک حصہ گرنے سے14سالہ نوجوان جاں بحق اور7افراد زخمی ہو گئے،ریسکیو1122کے میڈیا کو آر ڈی نیٹر عثمان گجر کے مطابق پیپلز کالونی میں گیس سلنڈر دھماکہ کی اطلاع موصول ہونے پر امدای ٹیمیں گاڑیوں سمیت پہنچ گئیں، معلوم ہوا کہ دو منزلہ عمارت تھی جس میں سلنڈر موجود تھا جس سے گیس لیک ہو رہی تھی گھر میں سگریٹ جلایا گیا تو اچانک دھماکہ ہوا اور عمارت کا ایک حصہ گر گیا جس سے گھر میں موجود 8افراد متاثر ہوئے امدادی ٹیموں نے طبی امداد کیلئے ہسپتال پہنچایا جہاں پر 14سالہ نوجوان ساحل ولد معران جاں بحق ہو گیا جبکہ 38سالہ مسماۃ فوزیہ زوجہ عمران، 19سالہ زبیر ولد عظمت، 19سالہ فیصل ولد گلزار، 24سالہ مسما? ملائکہ دختر گلزار، 14سالہ مسکان دختر عمران اور 5سالہ ماروش دختر عمران زخمی ہیں جن کا علاج معالجہ جاری ہے۔